Хан Алтай Ресурс ХХК нь Монгол улсын баруун бүсийн алслагдсан бүс нутагт уул уурхайн салбарыг хөгжүүлэхийн зэрэгцээ алтны томоохон ордуудыг эдийн засгийн эргэлтэнд оруулж, орон нутагт тогтвортой ажлын байрыг бий болгон бүс нутгийн болон улс орны хөгжилд бодит хувь нэмэр үзүүлэхийг зорин ажиллаж байна.

Хан Алтай ресурс компанийн уурхайн талбай нь Говь-Алтай аймгийн Есөнбулаг сум, Наран багт байрладаг бөгөөд УБ хотоос 1,000км, аймгийн төвөөс 100км зайд, 6793 га өргөн уудам талбайг хамарсан, 98.58 сая тонн алтны хүдрийн нөөцтэй ба 2021 оны арванхоёрдугаар сарын байдлаар 86.73 тонн алтны нөөц тогтоогдсон байна.